منتدى سفنكس للعربيات

مرحبا بالزائر الكريم..
ارجو ان تستمتع معنا فى المنتدى..
واتمنى ان تشارك معنا
و يشرفنا زيارتك مره اخري
منتدى سفنكس للعربيات

منتدى متخصص فى السيارات بجميع انواعها

عمر المنتدى بلأيام 2995
 
عدد المنتديات 102
 
 
 
عدد المواضيع 689
 
 
مرحبا واهلا بالعضو الجديد
farag
 
 
 
للدخول لصفحة المنتدى على الفيس بوك
أضغط هنا


 
منتدى متخصص فى السيارات بجميع انواعها
 
 
مساحة مخصصه لأعلانات الأعضاء
مدونتى على wordpress
 
 
مدونة المنتدى الإلكترونية على بلوجر
 
 

تتصرف ازاى لو عملت حادثة ؟

شاطر
avatar
المهندس
المدير العام
المدير العام

عدد المساهمات : 169
نقاط : 515
السٌّمعَة : 9
تاريخ التسجيل : 07/05/2010
العمر : 34
الموقع : http://sphinx.3arabiyate.net/forum.htm

بطاقة الشخصية
sphinx: 8

sphinx تتصرف ازاى لو عملت حادثة ؟

مُساهمة من طرف المهندس في الثلاثاء مايو 18, 2010 8:41 pm









لاقدر ربنا يكفينا جميعا شر الحوادث كلها بس مفيش حد فينا
مش معرض للحوادث ويمكن مفيش حد يسوق اصلا الا وحصلتلوا حادثة سواء بسيطة
او كبيرة لاقدر الله لاكن مين فينا بيعرف يتصرف صح ساعة ما الحادثة بتحصل




واحد يقولى هو الواحد فى اى ولا فى ايه ساعتها اسمحلى ده اكبر غلط لان
تصرفك لو غلط بعد الحادثة ممكن تودى نفسك فى مشكلة اكبر من الحادثة
فاسمحلولى بما انى خبير حوادث قديم اكتبلكوا مجموعة نصائح اعتقد ان مهم
جدا نفتكرها فى حالة لاقدر الله حد اتعرض لحادثة




1- خليك شجاع


لو عملت الحدثة والحادثة دى ادت لخسائر فى ممتلكات حد او لا قدر الله فى
الارواح اوعى تفكر تهرب مهما كان الموقف صعب وسواء انت غلطان او لو كنت
ملكش ذنب واجه المشكلة ومتهربش لان هروبك هيكبر المشكلة اكتر وهيخليك مذنب
قدام ضميرك وقدام الناس




2- اتاكد المكان امن


اتاكد انك واقف فى مكان امن ومفيش اعاقة للمرور وخاصة لو على طريق سريع
كمان اتاكد ان مفيش اى تسرب للبنزين من العربيات اللى تضررت وشغل مصابيح
الانتظار او استخدم المثلث الفسفورى الخاص بالتنبية




3- اتصل بالنجدة بسرعة


خاصة لو الحادثة ادت لاصابة حد لاقدر الله او مشكلة كبيرة فى الطريق لازم
تتصل بالنجدة بسرعة حتى فى بعض الحالات اللى ممكن تكون متحبش تعمل بيها
محضر يفضل برده انك تتصل بالنجدة علشان ممكن يكون الطرف التانى فى الحادثة
انسان مش كويس ويعمل هو محضر ضدك باوصاف العربية ونمرها ولما تيجى تجدد
تلاقى عليك غرامات بسبب الحادثة




4- خليك هادى


انا قولت اولا خليك شجاع فى مواجه المواقف بس مواجة المواقف بهدوء هيا قمة الشجاعة


متتسرعش فى انك تتخانق مع الطرف التانى او حتى تسمحلة يستفزك لان سواء كنت
غلطان او متضرر هتضيع وقتك وتحرق دمك بدون فائدة والاهم انك كمان هتضيع
حقك




5- سجل كل حاجة


استخدم ورقة وقلم اكتب على الموبيل صور بكاميرا المهم تسجل كل التفاصيل واهم حاجة رقم العربية


فى بعض الحالات مهم كمان تكتب كل التفاصيل التانية زى اسم الشارع تفاصيل
شكل العربية التانية اتجاهك من فين لفين الاضرار بالظبط اللى نتجت عن
الحادثة تفاصيل قائد السيارة التانية تفاصيل وملابسات الحادثة حالة الجو
حالة الشارع ارقام العربيات التانية اللى شاهدت الحادثة ولو عرفت تصور
الحادثة يكون افضل




واخيرا ربنا يكفينا جميعا شر الحوادث واللى عنده اضافة ياريت يفيدنا بيها

avatar
المهندس
المدير العام
المدير العام

عدد المساهمات : 169
نقاط : 515
السٌّمعَة : 9
تاريخ التسجيل : 07/05/2010
العمر : 34
الموقع : http://sphinx.3arabiyate.net/forum.htm

بطاقة الشخصية
sphinx: 8

sphinx رد: تتصرف ازاى لو عملت حادثة ؟

مُساهمة من طرف المهندس في الثلاثاء مايو 18, 2010 8:44 pm



فيه حاجة كمان بصراحة عايز اقولها فيه ناس بتستغل فرصة الحادثة وتقبل
تعويض حتى لو هيا مامنة على عربياتها وتسئلة ليه يقولك علشان يتعلم الادب
طيب ده كلام يا جماعة المفروض اللى مامن على عربيتة مياخدش عوض والمفروض
كمان زى ما بيحصل فى الدنيا كلها لا ياخد ولا يدفع وشركة التامين بتاعتة
هيا اللى تدفع التعويض ولا ايه رايكوا
avatar
ahmedryan
Admin
Admin

عدد المساهمات : 287
نقاط : 957
السٌّمعَة : 2
تاريخ التسجيل : 13/04/2010
العمر : 46
الموقع : http://sphinx.3arabiyate.net/forum.htm

بطاقة الشخصية
sphinx: 10

sphinx رد: تتصرف ازاى لو عملت حادثة ؟

مُساهمة من طرف ahmedryan في الجمعة مايو 28, 2010 3:28 am

طبعا انا مش قادر افهم ازاى تاخد تعويض وعربيتك الـتأمين هيصلحها؟؟
لكن بصراحة عندنا فى مصر التأمين حباله طويله جدا والحادثة ال تتكلف 100 جنيه تعوضك الشركة ب 25 جنية وتقولك احمد ربنا وكمان ممكن بعد شهرين او سنه من الحادثة انت وحظك معاهم
علشان كدة فى ناس بتقول وعلى ايه الدوخه ناخد منه ونخلص
والموضوع مفتوح للنقاش


_________________
سبحان الله سبحان الله العظيم

    الوقت/التاريخ الآن هو الأحد يونيو 24, 2018 6:50 pm